ရှမ်းပြည်နယ်အတွင်းရှိ ကုမ္ပဏီတည်ထောင်၍ လုပ်ငန်းများဆောင်ရွက်နေသော ကုမ္ပဏီလုပ်ငန်းရှင်များ၊ စီးပွားရေးအသင်းအဖွဲ့များနှင့် ဌာနဆိုင်ရာများကို မြန်မာနိုင်ငံ ကုမ္ပဏီများ ဥပဒေအကြောင်း ကျယ်ကျယ်ပြန့်ပြန့်သိရှိစေရန်အတွက် “မြန်မာနိုင်ငံကုမ္ပဏီများ ဥပဒေ အကြောင်း ရှင်းလင်းဆွေးနွေးပွဲ” ကို ၂၀၂၆ ခုနှစ် ဇူလိုင်လ ၂၈ ရက်နေ့တွင် ရှမ်းပြည်နယ်၊ တောင်ကြီးမြို့၊ မြို့တော်ခန်းမတွင် ကျင်းပဆောင်ရွက်ခဲ့ပါသည်။
ဆွေးနွေးပွဲသို့ ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ်၊ ပြည်နယ်လွှတ်တော်ဥက္ကဋ္ဌ နှင့် အစိုးရအဖွဲ့ဝင် ဝန်ကြီးများ၊ ပြည်နယ်အဆင့်ဌာနဆိုင်ရာများ၊ စီးပွားရေးအသင်းအဖွဲ့များ၊ ကုမ္ပဏီ လုပ်ငန်းရှင်များ စုစုပေါင်း (၂၅၀)ဦးခန့် တက်ရောက်ခဲ့ကြပါသည်။
အဆိုပါဆွေးနွေးပွဲတွင် ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစိုင်းထိန်စိုးက အဖွင့်အမှာစကားပြောကြားခဲ့ပါသည်။
ဆက်လက်၍ ရှမ်းပြည်နယ် ရင်းနှီးမြှုပ်နှံမှုနှင့်ကုမ္ပဏီများညွှန်ကြားမှုဦးစီးဌာန၊ ညွှန်ကြားရေးမှူး ဦးစိုင်းတင်အောင်သိန်းက မြန်မာနိုင်ငံကုမ္ပဏီများဥပဒေအကြောင်း ရှင်းလင်း ဆွေးနွေးခဲ့ပါသည်။
ထို့နောက် အခမ်းအနားဒုတိယပိုင်းတွင် ရှမ်းပြည်နယ် ရင်းနှီးမြှုပ်နှံမှုနှင့်ကုမ္ပဏီများ ညွှန်ကြားမှု ဦးစီးဌာန၊ ဒုတိယညွှန်ကြားရေးမှူး၊ ဦးဝင်းနိုင်က ကုမ္ပဏီမှတ်ပုံတင်ခြင်း၊ နှစ်စဉ် အစီရင်ခံစာများ တင်သွင်းခြင်းတို့နှင့် စပ်လျဉ်း၍ MyCoတွင် လက်တွေ့ဆောင်ရွက်နည်း အဆင့်ဆင့်ကို ရှင်းလင်းဆွေးနွေးခဲ့ပြီး တက်ရောက်လာသော လုပ်ငန်းရှင်များ၏ သိရှိလိုသည်များကို ဆွေးနွေးဖြေကြားခဲ့ကြောင်း သိရှိရပါသည်။
