ရှမ်းပြည်နယ်ရင်းနှီးမြှုပ်နှံမှုလုပ်ငန်းများကြီးကြပ်ရေးအဖွဲ့၏ တာဝန်ရှိသူများပါဝင်သော ကွင်းဆင်း စစ်ဆေးရေးအဖွဲ့သည်  ရှမ်းပြည်နယ်တောင်ပိုင်း၊ အေးသာယာမြို့ရှိ ရှမ်းပြည်နယ်ရင်းနှီးမြှုပ်နှံမှု ကော်မတီ၏  အတည်ပြုမိန့်တို့ဖြင့် ဆောင်ရွက်လျက်ရှိသော ထောပတ်သီးစိုက်ပျိုးခြင်းနှင့် ထောပတ်သီး သရက်သီးအစရှိသည့် သစ်သီးများပြုပြင်ထုတ်လုပ်ခြင်းလုပ်ငန်း၊ ပြောင်းအခြောက်ခံသန့်စင် သိုလှောင် ထုတ်လုပ်ရောင်းချခြင်းလုပ်ငန်း တို့ကို ၂၀၂၄ ခုနှစ်၊ ဇွန်လ ၂၀ ရက်တွင်သွားရောက် ကွင်းဆင်း၍ လိုအပ်သည်များ ပေါင်းစပ်ညှိနှိုင်း ဆောင်ရွက်ပေးခဲ့ပါသည်။

ရှမ်းပြည်နယ်ရင်းနှီးမြှုပ်နှံမှု ကော်မတီ၏ အတွင်းရေးမှူးသည်  ဘော်နင်းကျေးရွာ အုပ်စု၊ ဟဲဟိုးမြို့၊ ကလောမြို့နယ်၊ ရှမ်းပြည်နယ်တောင်ပိုင်းတွင် ရာခိုင်းနှုန်းပြည့် မြန်မာနိုင်ငံ သား ရင်းနှီးမြှုပ်နှံမှုဖြင့် စက်အုတ်များ ထုတ်လုပ်ဖြန့်ဖြူးရောင်းချခြင်းလုပ်ငန်း ဆောင်ရွက် လျက်ရှိသော မဟာစံ ၃၃၃ ကုမ္ပဏီလီမိတက် သို့ ၂၀၂၄ ခုနှစ် မေလ ၃၁ ရက်နေ့တွင် သွားရောက် ကွင်းဆင်း၍ လိုအပ်သည်များ ပေါင်းစပ်ညှိနှိုင်း ဆောင်ရွက်ပေးခဲ့ပါသည်။

ရှမ်းပြည်နယ် ရင်းနှီးမြှုပ်နှံမှုကော်မတီ၏ (၄/၂၀၂၄) ကြိမ်မြောက် အစည်းအဝေး ကို ၂၀၂၄ ခုနှစ် မေ လ ၂၇ ရက်နေ့တွင် ရှမ်းပြည်နယ်အစိုးရအဖွဲ့ရုံး၊ အစည်းအဝေး ခန်းမ၌ ကျင်းပပြုလုပ်ခဲ့ပါသည်။ အစည်းအဝေးသို့ ရှမ်းပြည်နယ် ရင်းနှီးမြှုပ်နှံမှုကော်မတီ ဥက္ကဋ္ဌ၊ ရှမ်းပြည်နယ်အစိုးရအဖွဲ့ ဝန်ကြီးချုပ် ဦးအောင်အောင် နှင့် ရှမ်းပြည်နယ် ရင်းနှီး မြှုပ်နှံမှုကော်မတီအဖွဲ့ဝင်များ တက်ရောက်ခဲ့ကြပါသည်။ အစည်းအဝေးတွင် ရှမ်းပြည်နယ်ရင်းနှီးမြှုပ်နှံမှုကော်မတီအတွင်းရေးမှူးက ရှမ်း ပြည်နယ်အတွင်း ရင်းနှီးမြှုပ်နှံမှုများတိုးမြင့်လာစေရေးအတွက် ရင်းနှီးမြှုပ်နှံမှုလုပ်ငန်း များ လျာထားချက်များနှင့် အကောင်အထည်ဖော်ဆောင်ရွက်နိုင် မည့်အခြေအနေများကို ရှင်းလင်းတင်ပြပါသည်။ ရှမ်းပြည်နယ်ရင်းနှီးမြှုပ်နှံမှုကော်မတီ အနေဖြင့် နိုင်ငံခြားရင်းနှီးမြှုပ်နှံမှုလုပ်ငန်း (၇)ခု ရင်နှီးမြှုပ်နှံမှုပမာဏ အမေရိကန်ဒေါ်လာ (၁၆.၁၆၃) သန်းနှင့် မြန်မာနိုင်ငံ သားရင်းနှီး မြှုပ်နှံမှုလုပ်ငန်း (၁၈) ခု ရင်းနှီးမြှုပ်နှံမှုပမာဏ အမေရိကန် ဒေါ်လာ…