ရှမ်းပြည်နယ်ရင်းနှီးမြှုပ်နှံမှုလုပ်ငန်းများကြီးကြပ်ရေးအဖွဲ့၏ ကွင်းဆင်းစစ်ဆေးခြင်း
ရှမ်းပြည်နယ်ရင်းနှီးမြှုပ်နှံမှုလုပ်ငန်းများကြီးကြပ်ရေးအဖွဲ့၏ တာဝန်ရှိသူများပါဝင်သော ကွင်းဆင်း စစ်ဆေးရေးအဖွဲ့သည် မြန်မာနိုင်ငံရင်းနှီးမြှုပ်နှံမှုကော်မရှင်နှင့် ရှမ်းပြည်နယ်ရင်းနှီး မြှုပ်နှံမှုကော်မတီ တို့၏ ခွင့်ပြုမိန့်၊ အတည်ပြုမိန့်တို့ဖြင့် ဆောင်ရွက်လျက်ရှိကြသည့် ရှမ်းပြည်နယ်တောင်ပိုင်း၊ ရွာငံမြို့နယ် အတွင်းရှိ နေရောင်ခြည် စွမ်းအင်သုံး ဓာတ်အားပေးစက်ရုံ တည်ဆောက်၍ လျှပ်စစ်ဓာတ်အား ထုတ်လုပ်ရောင်းချခြင်းလုပ်ငန်း၊ ရှမ်းပြည်နယ်မြောက်ပိုင်း၊ ကွတ်ခိုင်မြို့နယ်အတွင်းရှိ ပြည်ပသို့တင်ပို့ရန် တိရစ္ဆာန် ထိန်းသိမ်းစစ်ဆေးရေး ဝန်ဆောင်မှုလုပ်ငန်း၊ လားရှိုးမြို့နယ်အတွင်းရှိ ဘီယာထုတ်လုပ်ခြင်းနှင့် ဖြန့်ဖြူးရောင်းချခြင်းလုပ်ငန်း၊ တိရိစ္ဆာန်အစာထုတ်လုပ်ခြင်းလုပ်ငန်း၊ ဆန်ကြိတ်ခွဲထုတ်လုပ်ရောင်းချခြင်း လုပ်ငန်းတို့ကို ၂၂-၃-၂၀၂၃ မှ ၂၆-၃-၂၀၂၃ ထိ သွားရောက် ကွင်းဆင်း၍ လိုအပ်သည်များ ပေါင်းစပ်ညှိနှိုင်း ဆောင်ရွက်ပေးခဲ့ပါသည်။